6/17/2012

مسلسل حقوق تائهة (10) الاستبداد


مسلسل حقوق تائهة ينشر على حلقات تباعاً على مدونون من أجل حقوق الإنسان

كتبها : crestthebest
اخراج : MALAK & عربييي
عنوان الحلقة : الاستبداد

قصه واقعيه...
آخر ايام رمضان,,

اتعودنا انو ابوي يكون معانا بس الحمد لله على كل اشي, مات بعد رمضان قبل سنه...

اتخرجت جديد وطبعت شوية C.Vيعني 200 تقريباً وبلشت الف على الشركات زي ( مندوبين المبيعات ( انعف ( يعني اعطي للشركات) سيفيهات )او بالاحرى اجلكم الخالق, زي ابو صابر الزلمه اللي كان يلف على البيوت هوه وصابر الحمار تبعه عشان يلم الخبز...

شنطة اللاب توب معي كلها وراق, على اساس العرط , يعني لو حدا خجلني حكالي شو نوع اللاب توب؟ كان قلتله A4بدل ما قلوا p4

المهم قرفت حالي....... اسابيع بلف في الشوارع ومحسوبكم ولا مقابله, ولا اتصال حتى لو انه بالغلط.

طيب شو الحل؟

كان ابوي…. الله يرحمه ويجعل مثواه الجنه, يظل يحكيلي يابا: انت ما اتفكر لانه ازا فكرت بتخرب بيتنا...

واللي صار انه محسوبكم حرك الطاسه وفكر والنتيجه:

ياما كم معك فلوس؟
امي: والله ولا كرش,

محسوبكم: طيب متى الجمعيه تاعتك؟

امي (وحاسه بمصيبه ) والله ياما ياحبيبي كمان يومين كبل العيد, بدي اشتري لخواتك اواعي وعشان تروح اتعيد عماتك وخلاتك و و و و و ...(عيله بدون دخل بتعيد نسوان العيله) عادات باليه
انا .... ( بخباثه): عندي الك حل يا امي اخو شليته(باللبناني ) عشان اضحكها ,

هات ياما انت بس أومر(المسكينه بدها تراضيني, بأي وسيله, لانه كنت طالع من مصيبه, والله لطف في حالي كرمالها

ياما: بدي اسافر على دبي, وادور على شغل وانت دعواتك الي...

والله ولفيت عمان شبر شبر ادور على شركه تدبري فيزا بس ما لقيت...
وبدهاش طول سيره , دفعت 1000 دينار وأكثر عشان فيزا وتذكره لبلد حقوق الانسان...
المهم أول ساعة وصلت فيها , الابراج والبحر وكــــل اشي, قابلت من اول ساعتين الي في البلد...

ولفيت ورحت واجيت لحتى اشتغلت عند ارباب مال انا...

القانون قانون استعباد...

اول كم من يوم محسوبكم زي اللي متزوج جديد دوام لل 4.30 في قانون الشركه,

بعد اسبوعين,,

جهاد اليوم دوامك لل7 المسا ...... ماشي عنا ضغط شغل؟


الطرطور: ماشي ولو …. اثبات وجود للسنافر

ممنوع تاكل في الشركه, ليش بتاكل؟

لاني ببساطه جعان,,,

ما تجاوب...

المهم...
الكفيل هون زي اللي متزوجك, او بالاصح زي اللي مشتريك,,,
لو سمحت يا مدير ...... بدي افتح حساب في البنك,
طيب مش اليوم...

بدي افتح ملف للرخصه,,

بلزمكاش هسا...

بدي... ممنوع,,

يعني كل اشي بتحكم فيه...

لو سمحت مدير بدي اتحاولوا اتدبرولنا سكن رخيص...

بالله عليك؟ ليش انت بتفكر حالك دكتور كلك مدقق مش جايب همك...

طيب كنسلوني ( يعني اقيلوني ) بدي اشوف شركه تانيه,,

لا والله بتمزح ولا بتحكي جد؟ انا دافع 12 الف درهم عليك عشان تتركني, ابن المجنونه حسيته شاريني وبعاير فيي...

سكتت وحطيت بتمي كندره, لاني متغرب عشان امي وخواتي...

وصرت من جوا بدي افقع, وينك عزة نفسي وكرامتي ولا استر على اهلي...

وهي الايام بتمر والاسعار نار, الله وكيلكم البيض صار بورصه زي الذهب كل يوم شكل,,,

والطامه الكبرى انه بعد ما لقيت سكن رخيص ومنيح وخلال كتابتي لهاي الحلقة الواقعيه بدون تبهير,,,

دق صاحب الشقه علي وخبرني اخلي الغرفة خلال يومين, ولا بزت اغراضي في الشارع...

وخد فلوسك على داير ملين يا استاز جهاد, انا مش بايدي يا بش مهندس...
طيب اسكت الله ينكد عليك من الصبح حاس انه فيه مصيبة ,,,

احد مشاكل الشركات العربيه

لهون وبس لانه مش قادر اكمل اكيد التكمله عندكم...

يتضمن الاعلان العالمي لحقوق الانسان في المادة رقم 1 ما يلي :
المادة 1يولد جميع الناس أحراراً متساوين في الكرامة والحقوق، وقد وهبوا عقلاً وضميراًوعليهم أن يعامل بعضهم بعضاً بروح الإخاء.

مهمة تسهيل القتل ( كاريكاتير )

اخلاق الراقصة و التاجر و السياسي !!!


للكاتب هادي جلو مرعي - كاتب عراقي

" تعليق : هنا تثبت بلاغة العبارة الشهيرة القائلة : ما افصح فاضحة الأخلاق حينما تتكلم عن العفاف ... و ما أكثر نفاق السياسيين حينما يتكلمون عن الولاء "

تتحدث الراقصة عن علاقتها الاجتماعية وحضورها الإنساني ووقفاتها الجليلة في مساعدة الأسر الفقيرة والمحتاجة، وإصرارها على متابعة أحوال المرضى الراقدين في المستشفيات وخاصة الأطفال الصغار، وكيف أنها تعمل على إسعادهم من خلال تخفيف آلامهم ومعاناتهم الشديدة.
تتحدث ايضاُ عن عبادتها وقربها من الله . لكنها تفصل في الأمر في حال كانت تؤدي عملها ، حيث ترتدي (لاشيء) وهي شبه عارية ، وتضع مساحيق تجميل فاضحة ولا يكاد شيء من جسدها يخفى على النظارة باستثناء (عورتها) لكنها تجتهد في إسعاد الناس الذين يتمايلون مع الموسيقى، ومع جسدها البض المتلوي كأفعى، بينما تلعب برؤوسهم الخمر.
عندما تقترب الراقصة من الله فهي تمارس الإحتيال، تذهب الى مكة المكرمة وترتدي ملابس الإحرام وتتبتل إلى خالقها الذي منحها القدرة على إسعاد الناس وتقرر أن تصلي عدداً من الركعات في المسجد الحرام أو في المسجد النبوي، لأنها مشغولة في العادة عن العبادة في عامة الموسم، وتتذكر الله في أوقات محددة وترى انه يغفر لها ويساعدها طالما أنها توفر المتعة لعباده.
تقول. لقد وفقني الله في هذه الرقصة، وأنا أمارس شكلاً من الإبداع غير المسبوق، وسوف أنقل تجربتي في الرقص الشرقي إلى اوربا الغربية، بل إني وفرت فرصة لبنات أوكرانيات ومن دول الإتحاد الاوربي، وحتى من الإتحاد السوفيتي السابق ليأتين الى بلادنا المشهورة بشوارعها وملاهيها وفنون الرقص فيها ليتدربن على أنواع الرقص الشرقي، وكذلك كيفية إرتداء ثياب الرقص، وطريقة إظهار الصدر وإبراز الفخذين، وهز الوسط بشكل مثير.
هذه هي أخلاق الراقصات وهن مقتنعات بها ويمارسنها يومياً، فقد حكم الشيطان نفوسهن ولا نجاة لهن من سطوته، هذه الأخلاق تطبع سلوك سياسيين وتجار وأصحاب شركات وأناس عاديين وغير عاديين يمارسون طبائع غير منضبطة في حياتهم، ينهبون المال العام، ولا يؤدون واجباتهم بطريقة مرضية ويغشون في الصناعة، وفي الوقت وفي الجهد، ثم يتحدثون عن الأمانة والصدق وعن إنجازات غير مسبوقة. ثم هم أيضاً يتبرعون من المال الحرام لدعم مشاريع خيرية ، وإعانة المحتاجين والمرضى، بل ويقيمون الولائم لإطعام الناس في المناسبات الدينية، ومنهم من يشيّـد مسجداً يذكر فيه الله. ومنهم من يتطوع لتقديم خدمات للعامة. وكلها مدعومة بمال حرام. فلا فرق بين سياسي مستجد يخادع الناس ، أو صاحب شركة أو مسؤول خدمي يكذب ويعد دون أن يفي بوعده وبين راقصة مستجدة لا تعلم بالضبط أسرار وفنون الرقص الشرقي.

6/13/2012

ديكتاتورية الثورة الناجحة


قادة الثورة المصلحون ينبغي ان يكونوا ديكتاتورين بعد نجاح ثورتهم لضمان استقرار الثورة لا لاجل السلطة ... , لضمان تحقيق اهداف الثورة التي انطلقت من اجلها ... فحرية الراي و التعبير في هذه المرحلة ستكون عامل هدم و اضطراب بسبب تنوع الأراء .
بعيد الثورة غالبا ما يتنازع اصدقاء الامس ليصبحوا اعداء اليوم ... صراع التيارات السياسية بعد فراغ شاغر السلطة ...
هي سنة الحياة ليس الا و ان لعب الجهل و قلة الممارسات الديمقراطية دورا في تاجيج مثل هذا النزاع ...

تأبى الحكومة الأردنية إلا ان تطبق التمييز العنصري ضد شريحة واسعة ؟


الحكومة الاردنية و على لسان وزيرة شئون المرأة صرحت مؤخراً بعبارة يفوح منها سياسة التمييز العنصري التي تتبناها الحكومة ضد شريحة من باتوا يسمون بابناء الاردنيات المتزوجات من اجانب !!!!
فالى جانب ضبابية هذا المصطلح و عدد كلماته المملة الطويلة و عدم احتواء قواميس الدول التي تحترم حقوق الانسان على مثله , فان ما صرحت به الحكومة مؤخرا على لسان وزيرة المراة ... جاء مناقضا لمبادىْ حقوق الانسان و مفاهيمها ...
" منح الحقوق المدنية لأبناء الأردنيات المتزوجات من أجانب بدل الجنسية " فكيف تمنح الحقوق المدنية و ما فائدة عقود الزواج و البيع و الاستئجار هنا ان لم يكن الشخص متمعا بحقه في الحياة و بحريةو بكرامة!!!!!!!!!!!!
لا يوجد مثل هذا المصطلح المقزز في بلدان العالم الراقية و لو وجدناها لما شاهدنا انسان عربي قط و قد منح جنسية اجنبية !!!

نعيش في متلازمة النفاق فهل من دواء له !!!


كثيرون منا نجدهم يصفون النظام في الاردن بانه فاسد و في ذات الوقت يتضامنون مع النظام في سوريا ... و لن يهم هنا فيما لو تحدثنا عن العكس ... فلن يتغير من نفاقنا الداخلي شيئا ... رغم ان النظاميين قد لا يتشابهان في الممارسات و في نفس الدرجة و النوع .

سبب نفاقنا بسيط جدا متمثل بعدم وجود مبادىء انسانية نستند اليها عند اطلاق افكارنا 
نغلب عواطفنا على تفكيرنا على الدوام
يسيطر الجهل علينا احيانا
يسيطر الخوف علينا احيانا اخرى
تسيطر حب المنفعة و المصلحة احيانا كثيرة .
نحتاج لنكون واقعيين و صادقيين مع انفسنا الى رؤية انسانية واحدة بعيدة كل البعد عن الفوارق العنصرية
نحتاج الى الحيادية و النزاهة في فكرنا
نحتاج الى الشجاعة و الثبات عند إقدامنا
نحتاج الى توعية بذات الإنسان و لذات الانسان 
حينها .... تسمو و تعلو قيمة الانسان لذاته - فلا يكون عندئذ مضطرا للنفاق .

كرامتنا و كرامتهم ...


اعتقد ان جهل الشعب هو من يخلق هالة التقديس حول الحاكم فتاخذه العزة بنفسه متحصناً باجهزته الامنية لحماية هذا العرش الذي منحه اياه شعبه .
و لهذا السبب نجد قيمة الحاكم تسمو و تعلو على قيمة الانسان لدينا و المنطق يدعو الى العكس ... كما في الدول المتحضرة .

6/12/2012

انا ضد الحكومة ... كلمات جميلة و مؤثرة


كلمات اغنية جميلة ساهمت في تاجيج ثورة القرن المصرية التي اسقطت اخر فراعنة مصر ...
انا ضد الحكومة ... كلمات جميلة للشاب الاسكندراني رامي دنجوان قام بادائها باسلوب الراب ... وجدت قبولا و استحسانا كبيرا لدى شباب الثورة المصرية ...

ضد الحكومة 
ضد البلطجة والظلم 
ضد الحكومة 
ضد الحاكم ضد الحكم 
ضد الحكومة وحبل الظلم طويل 
ضد الحكومة وعندى ألف دليل

دمك مسيحينه 
قتلك محللينه 
وطنك مبهدلينه 
دينك مستهدفينه 
صوتك هما اللى كاتمينه
حقك كمان واكلينه
واخوك لسة قاتلينه 
وباقى الشعب طالع عينه 
لو عشت تعيش هفية
لو مت ملكش دية 
تتكلم تبقى ضحية
تتعامل بوحشية 
سياسة بلطجية 
شوية عصبجية 
حكومة عدوانية 
عايزة تنهش فيك وفيا 
الظالم والمظلوم 
الحاكم والمحكوم 
لمين بس حاشكى وعلى مين انا هالوم؟
هالوم ع الشعب اللى بياخد باوسخ جزمة ولسة ساكت؟
ولا على حكومة سايقاها وقلوبها ماتت؟ 
فلتسقط الحكومة 
فليسقط النظام
فليسقط القانون 
فليسقط الحكام 
فليسقط الجبان 
فليسقط الخان 
وليسقط الطيب لو طيبة حاتخليه يتهان

انا ضد الحكومة 
ضد البلطجة والظلم 
ضد الحكومة 
ضد الحاكم ضد الحكم 
ضد الخائن والجبان 
ضد اللي يقبل يتهان

كل من هب ودب يهينك 
دلوقت عمال بيهينك 
ملكش قيمة ما لك شئ ثمن
ومغفلينك , مستغفلينك
وفي احضان اعادئك 
وماسكينك من ايديك اللي بتوجعك 
حواليك الف ( 1000 ) افعى 
وفي مقتل عماله تلدغك 
مهما تتالم
ما فيش حد ناوي يسمعك 
ما تساعد نفسك
ما تقولي وايه اللي يمنعك 
لو حد زئك
مستنى مين يجبلك حقك؟
ماسكك ودئك
بقى له 30 سنة بيدئك
عمال يسكك 
وانت ساكت ومخيط بقك ومموت مخك 
كل من هب ودب يهينك 
كفاية نوم 
كفاية سكوت
كفاية موت 
لو عندك دم 
انا ضد الحكومه لأن لي قيمه 
ضد الحكومة وصعب اقبل بالهزيمة

تضامناً مع لاعب كرة القدم الفلسطيني الاسير المضرب عن الطعام محمد سرسك

Also...Michel Platini, Président de l'UEFA: Agir pour sauver la vie de Mahmoud Al-Sarsak, footballeur Palestinian

6/11/2012

ثمن الحرية مكلف جداً في سوريا ( صورة )

مسلسل حقوق تائهة (09) عمالة الاطفال


مسلسل حقوق تائهة ينشر على حلقات تباعاً على مدونون من أجل حقوق الإنسان



كتبها واخرجها : عربييي
عنوان الحلقة : عمالة الاطفال

كل يوم الصبح بعد ما بياع الحليب يقلق اهلي وهو بنادي على الحليب ( حليبنا - وادي فاطمة للحليب الطازج ) يوميا من ا لمزرعة
لازم اصحى زي المصروع ...
بقوم ( برشق ) كاسة مي على وجهي ( وبفلّي ) حالي باستخدام مشط ( سن الفيل) وبلبس الاواعي اللي كل يوم بلبسها وبنطلق عالشغل حوالي الساعة 7 ....
كالعادة وانا رايح عالشغل بشوف صحابي اللي كنا نلعب انا واياهم بالحارة واحنا صغار كلهم حاملين شنتات ورايحين عالمدارس ,
اواعيهم ما عليها شحمة زي اواعيي رايحين يضحكو عمدارسهم ...
مش زيي رايح اتشعتل بين العجال وبين ماتورات السيارات ...اول ما بوصل الشغل لازم اوكل كف تصبيح من معلمي مشان اتنشط...

بقعد شوي لحتى يروق معلمي ويشرب كاسة القهوة تبعتو ( قهوة صب مش غلي لأنها ارخص كنت مفكر زمان انو المعلم = الاستاذ ... بس لأ مش هيك طلعت ...

الاستاذ لصحابي والمعلم الي ...
مبارح اجت سيارة ( واقعة ) ابصر شو فيها خربان , قاللي المعلم انو انزل تحتيها افك اكمن برغي ,

نزلت انا طبعا مع اني بخاف انزل تحت السيارات بس كمان اذا ما بدي ارد رح يضربني المعلم ورح يطردني من الشغل ولما اروح احكي لأبوي اني انطردت من الشغل رح يموتني من القتل ورح يطردني برا الدار ...

وانا تحت السيارة بفك بالبراغي ربي رحمني انو صاحب السيارة قاعد فيها لأنها دحلت علي ولولا صاحب السيارة وقفها والا كان انا رحت بخبر كان ...

انواع الزباين :-
اللي بكون عامل حالو حدق وفهمان بكل اشي......

وبكل اشي بسأل وبحشي راسو بين المعلم والقطعة …. عالاغلب بكون ناصح والو كرش

الهبيلة اللي لو تقوللو بدك ماتور لأنو العجل مبنشر بقوللك طيب سوي اللي بتشوفو مناسب

الكحتة : هاظ بكون مفكفك كل برغي ممكن انو الميكانيكي يطلب اجرة عليه حتى لو ربع نيرة

الفهمان : وهاظ اكثر واحد بطعّم ( يعني يشتمه ) عليه المعلم

وقت الظهر بكون فش حركة كثير ,
فبقعد باب المحل وبتطلع على طلاب المدارس وهمه مروحين ,
كان نفسي اكون معهم بس ابوي حكالي انو لازم اشتغل واجيب مصاري وانو الدراسة مخسر عالفاضي ,
لما طلعني من الصف الخامس حكالي يا بتجيب مصاري لهالبيت يا بتروح تشوفلك فندق تنام فيه ...
مش فاتح أوتيل انا وانا قاعد باب المحل سمعت صوت كندرة طايرة وجاي علي ,
واول ما لفيت وجهي لقيت اشي اسود مكتوب عليه 44 لخم بوجهي ونيمني عظهري ..

المعلم : ولك قاعد بتتفرج عالرايح والجاي يا ابن ال**********

وانا بدفعلك راتب مشان تيجي تقعد

انا : طب مهو يا معلمي ما في اشي اشتغلو
المعلم : اذا ما في اشي تشتغلو روح نظف الشحمة عن الارض
انا : ليش هي الشحمة بتروح عن الارض , والا الشغلة تعجيز يعني
المعلم : ولك لا تناقش يا حمار يا ابن ال********* يا ********

اعمل اللي بحكيلك اياه وبس وما باليد حيلة ...
بروح عالدار بلاقي ابوي ماددلي ايدو.........
بدو المصاري اللي اشتغلت فيهن ولما احكيلو جوعان بدي اوكل بحكيلي بتخلي معلمك يطعميك بالشغل مش فاتحها مطعم انا ...

مش عارف يعني اذا الدار ما بنوكل فيها ولا بننام فيها , ليش اسمها دارنا لعاد

يتضمن الاعلان العالمي لحقوق الانسان في المادة رقم 26 ما يلي :
المادة 26 ( 1 ) لكل شخص الحق في التعلم، ويجب أن يكون التعليم في مراحله الأولى والأساسية على الأقل بالمجان، وأن يكون التعليم الأولي إلزامياً وينبغي أن يعمم التعليم الفني والمهني، وأن ييسر القبول للتعليم العالي على قدم المساواة التامة للجميع وعلى أساس الكفاءة.( 2 ) يجب أن تهدف التربية إلى إنماء شخصية الإنسان إنماء كاملاً، وإلى تعزيز احترام الإنسان والحريات الأساسية وتنمية التفاهم والتسامح والصداقة بين جميع الشعوب والجماعات العنصرية أو الدينية، وإلى زيادة مجهود الأمم المتحدة لحفظ السلام.( 3 ) للآباء الحق الأول في اختيار نوع تربية أولادهم.

مسلسل حقوق تائهة (08) الحق في الحصول على عمل


مسلسل حقوق تائهة ينشر على حلقات تباعاً على مدونون من أجل حقوق الإنسان


موضوع الحلقة : معاناة الخريجين الجامعيين
كتبها : Geronimo
اخراج : MALAK + عربييي

ألف ألف مبروك جهاد التخرج ,..

الله يبارك فيك عمي أبو يعقوب …

الكنافة يا ولد …

اه ياجهاد ..

وين رح يشتغل ؟؟

بما اني حامل بكالوريس في المحاسبة …

بلكي قدمت طلب في ديوان الخدمة وطلعي تعيين .

ان شاء الله خير.

وبعد اسبوعين من اللف والدوران على الجامعة وتصديق الشهادات والصور …

طلع جهاد على ديوان الخدمة وعبى طلب …

واضطر انو يرجع مرتين عشان اوراق ما إلها داعي…

كل اللي في القصة إنو الموظف روحه طالعة من الشغل وقرفان هالعالم ومحملهم جميلة إنو بدخل طلباتهم على الكمبيوتر .

وبعد انتظار شهر طلع رقم جهاد في الدور 125 …

وكان شي منيح ..

لأنو مش رح يستنى كثير لحد ما يجي دوره ..

فقرر انو يطلع يدور على شغل بالقطاع الخاص لحد ما يطلعله تعيين كل يوم من الصبح يطلع على الشركات ويقدم طلبات ..

ياما عبى طلبات على اشي فاضي …

فقع جهاد …

ولأنو زهق ..

قعد بالدار كل يوم يشتري الرأي ويجيب جريدة الوسيط …

وفجأة وجه جهاد فتّح .. ( تقول لقى مصباح علاء الدين )) وقعت عينه على اعلان دورات في المحاسبة بقصد التشغيل …

والمسكين راح سجل فيها ..

وانتظم شهرين ودفع 400 دينار …

ولما انتهت الدورات حكوله انه حاليا ً ما في شواغر ..

وانهم اخذو رقم تلفونه ورح يحكو معاه اول واحد …

(( نفس الكلام اللي حكوه للخمسين متدرب اللي كانو معاه )) .

ورجع عالدار مهموم …

بس صدفة لقى اعلان انو في تعيينات للمحاسبين …

وطلع على الديوان يستفسر ..

ومتحكي كل الناس في الديوان للاسف ما وصله دور …

بعده دوره 18 …

يعني التعيين الجاي دوره …

فراح اشتغل عند ناس معارف ب 120 دينار ..

يا دوب يكفوه مواصلات وسندويشة فلافل وبكيت دخان . ونحتو عليه شي اربع شهور لحد ما طلع تعيين جديد …

ومع هيك اسمه ما طلع معهم .

طلع كمان مرة يستفسر ..لقى انو دوره 69 …

- عفوا ًَ بس دوري كان 18 اخر مرة .

- عفوا ً ...

هذا دورك الجديد ...

لا تناقش خيو (( شكلو الموظف امه سوريه )) او بحضر مسلسات سورية كثير .

ورجع جهاد عالبيت مقهور ...

واستفسر من ناس وحكوله إنو الواسطة بتلعب دور ...

ايييييه يلعن أبو الواسطة .

. حتى بهاي ؟؟ وفقد الأمل وما لقى جهاد من هالمعاناة الا انو يطلع على دولة خليجية يشتغل ..

غاب سنتين ...

ورجع زي ما طلع كل اللي في القصة انهم ضحكو عليه ...

المكتب اللي دفعله اول راتب عشان يلاقولو شغل عينوه بالسعودية بقرية ولا فيها من معالم الحضارة اشي ...

والمدير الهندي نحت عليه ليل نهار ووقت اضافي بدون راتب ..

لحد ما مرض جهاد ...

ولأنو غاب عن الشغل يومين ... طردوه من شغله ..ورجع على عمان ...

واتصل بعمو ابو يعقوب وراح يشتغل معاه ميكانيكي ...

ويلعن أبو الشهادة .

جاء في قانون العمل الأردني
المادة 22:
  1. لكل أردني حق في تولي المناصب العامة بالشروط المعينة بالقوانين أو الأنظمة .
  2. التعيين للوظائف العامة من دائمة ومؤقتة فيالدولة والإدارات الملحقة بها والبلديات يكون على أساس الكفايات والمؤهلات

مادة 23 :
1- العمل حق لجميع المواطنين وعلى الدولة أن توفره للأردنيين بتوجيه الاقتصاد الوطني والنهوض به
2 - حمي الدولة العمل وتضع له تشريعا ًيقوم على المبادئ الآتية :
أ- إعطاء العامل أجرا يتناسب مع كمية عمله وكيفيته
ب- تحديد ساعات العمل الأسبوعية ومنح العمال أيام راحة أسبوعيةوسنوية مع الأجر .
ج- تقرير تعويض خاص للعمال المعيلين ، وفي أحوال التسريحوالمرض والعجز والطوارئ الناشئة عن العملد- تعيين الشروط الخاصة بعمل النساء والأحداث
هـ خضوع العامل للقواعد الصحية 
و- تنظيم نقابي حرضمن حدود القانون

More Labels

2012 مقالات حقوق الانسان العدالة الإجتماعية 2011 احزاب ثورات الغضب الشعبية حملات تضامنية 2014 فساد صور 2015 إعلام الانسان العربي courses certificates online دورات سياسة 2013 أفلام 2008 جرائم ضد الانسانية اديان 2010 حزب الخضر الأردني فلسطين الشرق الاوسط منقول تعليم التمييز العنصري الشباب العربي برامــج سلسلة قانون تراجيديا 2016 ديمقراطية press 2007 ENGLISH media اطفال مصطلحات حقوقية وثائق 2006 تنمية كتب مذاهب سياسية اعلان حريات حقوق تائهة تدوين حرية تعبير 2005 الانتخابات العنف تعذيب دليل دراسي ورش عمل 2009 الإنترنت حقوق المواطنة فكر الإخوان المسلمين البيئة المرأة جوائز حقوق الانسان رسائل شعر و أدب إنساني مظاهرات نشطاء حقوق اللاجئين green policy ارهاب اعلام الحروب الحرية الشفافية العراق المقاومة تقارير جامعات حماس اغاثة العدالة العنف الجامعي اليوم العالمي ايران تنمية سياسية عنف اعتقالات الجزيرة العشائرية ثورة العبيد سلام ويكيليكس Ecology اجندة حقوق الانسان اكراد الإمبريالية الامم المتحدة اليوم العربي انتخابات بروشورات حقوق الاقليات حقوق المعاقيين صحافة مبادرات معاهدات و اتفاقيات 2016 certificates ISIS interview إضراب الاستبداد البرنامج النووي البطالة السلطة الرابعة الغام الملكية الفكرية جامعة الدول العربية حقوق سياسية دراسات سياحة عقوبة الإعدام قافلة شريان الحياة مجلس النواب مدونة سلوك مقابلات منح